बुढानिलकण्ठमा प्रकोप नियन्त्रण संगै विकास निर्माणमा केन्द्रित भएका छौ : उद्दव प्रसाद खरेल

कपन अनलाइन

काठमाडौं ,जेष्ठ २३।

बुढानिलकण्ठ नगरपालिकाका प्रमुख उद्दव प्रसाद खरेलले नगरपालिका भित्र सम्झौता भएका योजनाहरुको निर्माण कार्य सुचारु रहेको र आवस्यकता हेरेर अन्य निर्माण अगाडी बढाइने बताएका छन।

नगरपालिका आगामी वर्षको नीति तथा कार्यक्रम एबम बजेट निर्माणको काममा लागिरहेको भन्दै  प्रमुख खरेलले अहिले नगरपालिकामा संचालनमा रहेका योजनाहरुको निरीक्षण  गरि निर्माण  प्रगतिको अवस्थाका वारेमा जानकारी लिएको बताएका छन।

बुढानिलकण्ठ नगरपालिका भित्र संघीय ,प्रदेस र स्थानीय सरकारले बजेट बिनियोजन गरेर सम्झौता भएका योजनाहरुलाई अगाडी बढाउदै नया योजनाको हकमा आपतकालीन र आवस्यक अवस्थामा निर्माणमा जाने योजना रहेको प्रमुख खरेलले बताएका छन।

नगरपालिकामा संचालन रहेका केहि योजनाहरुलाई वर्षाको समय भन्दा अगाडी सम्पन्न गर्नु पर्ने भएकोले ति योजनामा विशेष ध्यान दिएको बताउदै प्रमुख खरेलले आगामी वर्षको बजेट तथा योजनाहरुका वारेमा सुझाव दिनका लागि नगरवासीमा आग्रह गरेका छन।

त्यस्तै कोरोना प्रकोप नियन्त्रण तथा रोकथाम अहिलेको प्रमुख अभिभारा रहेको बताउदै प्रमुख खरेलले यसका लागि नगरपालिका भित्र अस्थायी तथा स्थायी वसोवास गर्ने विदेशमा रहेका नगरवासीहरुको बिधुतिय माध्यमबाट तथ्यांक संकलन गर्ने कार्य शुरु गरिएको जानकारी दिदै सहभागिताका लागि अनुरोध गरेका छन।