रातभर निर्मल कुइँकेल नेपाली कांग्रेसका मतदाता फकाउदै जगडोलमा
कपन । संविधानसभा निर्वाचनको प्रचारका क्रममा काठमाडौं क्षेत्र नं. ४ का एमाले उम्मेदवार निर्मल कुइँकेल शुक्रबार रातभर कपन गाविस– ७, जगडोलमा व्यस्त भए । त्यहाँका मतदातासँग आन्तरिक छलफलपछि विगतमा विभिन्न पार्टीलाई मतदान गर्ने मतदाताले यसचोटि एमालेलाई मत हाल्ने विश्वास दिलाएका छन् । जगडोलको विकास र समृद्धिका लागि अरु कुनै उम्मेदवारबाट कुनै सम्भावना नदेखिएको, तर एमालेका कुइँकेल स्थानीय पनि भएका नाताले उनीबाट मात्र विकास सम्भव हुने त्यहाँका मतदाताको राय थियो ।
शनिवार बिहान जगडोल मा भेटिएका निर्मल कुइकेलले कपन अनलाइनसँग कुरागर्दै भने हिजो बेलुका स्थानीयवासीसँग अन्तरिक छलफलको कार्यक्रम थियो । तर आन्तरिक छलफलमा के भयो भन्ने बारे उनले बताउन चाहेनन् स्रोतका अनुसार त्यहाँबाट नेपाली कांग्रेसलाई मतदान गर्दै आएका अधिकांश मतदाताले एमालेलाई भोट हाल्ने भएका छन् । त्यसका लागि उनीहरुले घोषित रुपमा पार्टी प्रवेश नगर्ने, तर सूर्य चिन्हमा मत हाली यसले ल्याउने विकास योजनाको प्रतीक्षा गर्ने बताइएको छ ।
