साइक्लिङमा लक्ष्मी मगरलाई स्वर्ण

कपन अनलाइन

काठमाडौं । लक्ष्मी मगरले १३औं दक्षिण एसियाली खेलकुद (साग) अन्तगर्त साइक्लिङतर्फको क्रस कन्ट्रीमा स्वर्ण पदक जितेकी छिन् ।

गोकर्णको जगडोलमा  आज भएको साइक्लिङमा नेपालकै उषा खनाललाई पराजित गर्दै लक्ष्मीले क्रस कन्ट्रीको ४ किलोमिटरमा स्वर्ण जितेकी हुन्।

उनले निर्धारित दूरी १ मिनेट २०.२० सेकेण्डमा पूरा गर्दा रजतमा चित्त बुझाएकी उषाले १ मिनेट ३५.५२ सेकेण्डमा पूरा गरिन् ।

भारतकी प्रनिता प्रफुल सोमनले कास्य पदक जितिन् । उनले निर्धारित दूरी १ मिनेट ३६.२९ सेकेण्डमा पूरा गरिन् । लक्ष्मीको स्वर्णसँगै सइक्लिङमा नेपालको स्वर्ण सङख्या ३ पुगेको छ ।यसअघि बुधबार भएको डाउनहिल स्पर्धामा राजेश मगर र निश्मा श्रेष्ठले स्वर्ण जितेका थिए ।

बिजयी खेलाडीहरुलाई गोकर्णेश्वर नगरपालिका का नगर प्रमुख सन्तोष चालिसेले पदक वितरण गरेका थिए ।

फोटो : सरोज बस्नेत