भवन उद्घाटन कार्यक्रममा सहभागी हुन बुढानिलकण्ठ नगर प्रमुख उद्धब खरेलको आव्हान

कपनअनलाइन

बुढानिलकण्ठ, मंसिर १५। बुढानिलकण्ठ नगरपालिकाका प्रमुख उद्दव खरेलले नगरपालिका भवन उद्घाटन कार्यक्रममा सहभागी बन्नका लागि सम्पुर्ण नगरवासीमा आव्हान गरेका छन।

बुढानिलकण्ठ नगरपालिकाको भवन यही मंसिर १६ गते सोमबार बिहान ८.३० बजे हुने उद्घाटनमा बिद्यालय , सहकारी , संघ संस्था तथा स्थानीयहरुलाई सहभागीताका लागी निमन्त्रणा गरिएको छ। नौ करोड  ८६ लाख ६१ हजार ४५६ रुपैयाँको लागतमा निर्माण भएको सो भवनको उद्घाटन नेपाल सरकारका उप प्रधानमन्त्री ईश्वर पोखरेलले गर्ने नगरपालिकाले पत्रकार सम्मेलन गरेर जानकारी दिएको थियो ।

बुढानिलकण्ठ नगरपालिका वडा -८ को करिव २४ रोपनी क्षेत्रफलमा रहेको उक्त प्रसासनिक भवन २३३२.९३ बर्ग मिटर रहेको छ। भाडामा संचालित भवनमा स्थान अभावका कारण कार्य सम्पादनमा समस्या परेको बताउदै आएका प्रमुख खरेलले भवन निर्माणका लागि विशेष पहल गरेका थिए ।