कपनमा फत्तेमान स्मृति कार्यक्रम

कपन अनलाइनकपन संगीत सरोवरले बरिष्ठ गायक स्व.फत्तेमान राजभण्डारीको श्रद्धाञ्जली कार्यक्रम आयोजना गर्यो । नियमित कार्यक्रमअन्तर्गत भाद्र महिनाको अन्तिम शनिवार(भाद्र २९) आयोजना भएको कार्यक्रममा स्व. गायकप्रति समर्पित गर्दै उनले गायका भजन तथा गीत प्रस्तुत गरिएको थियो । भाद्र २५ गते निधन भएका बरिष्ठ गायकको सम्मानमा मौनधारणका साथ सुरु गरिएको कार्यक्रममा कलाकार नविन न्यौपाने, सागर थापा र प्रमोद श्रेष्ठले भक्ति संगीत प्रस्तुत गरेको थिए । त्यसैगरी कार्यक्रममा वरिष्ठ कलाकार बिजय कुमार श्रेष्ठले शास्त्रीय गायन प्रस्तुत गरेका थिए । कपन संगीत सरोवरले पछिल्ला सात वर्षदेखि कपनमा शास्त्रीय तथा भक्ति संगीत कार्यक्रम प्रस्तुत गर्दै आएको छ । कपन २ स्थित बगलामुखी मन्दिरको प्रांगण कार्यक्रम हुने गरेको छ ।

(फोटो- विसु कुमार केसीको फेशबुकबाट)