गोकर्णेश्वर युवा उपकार क्लबको रक्तदान कार्यक्रम सम्पन्न

कपन अनलाइन

काठमाडौ,माघ१६ ।

गोकर्णेश्वर नगरपालिका वडा नं ४ मा रहेको गोकर्णेश्वर युवा उपकार क्लब गोकर्णेश्वर र लायन्स क्लब अफ काठमाडौं गोकर्णेश्वरले संयुक्त रुपमा  शहीद दिवसको  अवसरमा  स्वास्थ्य सिविर र रक्तदान कार्यक्रम गरेको छ ।

शहीदहरुको योगदानलाई सम्मान गर्दै  बिगतमा जस्तै यस वर्ष पनि गोकर्णेश्वर युवा क्लब र लायन्स क्लब अफ काठमाडौं गोकर्णेश्वरले संयुक्त रुपमा   गोकर्णेश्वर महादेव मन्दिर परिसरमा बिहान ९:३० बजे देखि १ बजे सम्म  नि:शुल्क स्वास्थ्य सिविर र रक्तदान कार्यक्रम सम्पन्न  गरेको छ ।

उक्त रक्तदान कार्यक्रममा ३० जना सहभागी भएका थिए भने  करिब ५० जनाले नि:शुल्क नाक कान,घांटीको स्वास्थ्य परिक्षण       गरेको गोकर्णेश्वर युवा उपकार क्लब गोकर्णेश्वरका  सचिव कमल परियारले कपन अनलाईनलाई जानकारी गराए ।