शंखरापुर- ३ श्री कालिका शरण माविका शिक्षक माथी सांघातिक आक्रमण,एकको अवस्था गम्भीर

कपन अनलाइन

काठमाडौ,पौष २२।

शंखरापुर नगरपालिका वडा नं ३ को श्री कालिका शरण माविका प्रधान अध्यापक र शिक्षकहरु  सांघातिक आक्रमणमा परी गम्भीर घाइते भएका छन ।

सोहि विध्यालयमा अध्ययनरत विद्यार्थीहरुलाई पौष २० गते विहान ११ बजे कार्यालयमा बोलाएर कपाल काट्नु  र अन्य अनुशासनको लागि सचेत गराए पश्चात दिउसो ३ बजेको समयमा विद्यालय बाहिर बाट विभिन्न व्यक्तिहरु मादक पदार्थ सेवन गरि आएर कार्यालय तोडफोड गर्नुका साथै शिक्षकहरुलाई कुटपिट गरेका थिए ।

सो आक्रमणमा परेका शिक्षक सुरेश ठगुन्ना अहिले काठमाडौं मेडिकल कलेज सिनामंगलको सघन उपचार कक्षमा उपचार गराई रहेका छन भने अन्य शिक्षकहरु पनि उपचारमा रहेका छन ।आक्रमणकारी हरुले  मादक पदार्थ सेवन गरेर विभिन्न हात हतियार सहित कार्यालय भित्र प्रवेस गरेर कुटपिट गरेको एक शिक्षकले बताए ।आक्रमणमा प्र अ प्रमोद प्रधान पनि घाइते भएका छन ।

आक्रमणकारीहरुलाई पक्राउ गरि कारवाही गर्नका लागि प्रहरी समक्ष निवेदन दिइएको छ ।साथै यो घटनाको छानविन गरि दोषीलाई अबिलम्ब कारवाही गर्न विभिन्न शिक्षक संगठन हरुले माग गरेका छन ।