काठमाडौका १० वटै क्षेत्र बाम गठवन्धनले जित्ने ईश्वर पोखरेलको दावी
कपन अनलाइन
काठमाडौ,मंगसिर १४ ।
नेकपा एमालेका महासचिव ईश्वर पोख्रेलले काठमाडौंका १० वटै क्षेत्र जित्ने दावी गरेका छन् ।त्यस्तै उनले वाम गठबन्धनले प्रतिनिधिसभाको प्रत्यक्षतर्फ १३७ सिट जित्ने दावी गरेको छ ।
एमाले महासचिव ईश्वर पोख्रेलले कम्तिमा पनि वाम गठबन्धनले एक सयदेखि १३७ सिट जित्ने दावी गरेका हुन् ।प्रेस चौतारी र प्रेस सेन्टर नेपालले काठमाडौंमा आयोजना गरेको उम्मेदवारसँगको अन्तरक्रिया कार्यक्रममा बोल्दै नेता पोख्रेलले पहिलो चरणमा ३७ सिटका लागि भएको चुनावमा ३२ वटामा जित्ने दावी गरे ।
“प्रत्यक्ष तर्फका १६५ मध्ये १३७ सीटजित्छौ,’ उनले भने,’पहिलो चरणमा चुनाव भएका ३७ मध्ये ३२ सीटमा जित्छौं, अब दोस्रो चरणमा हुने चुनावमा १२८ मध्ये एक सयदेखि १०५ सिटसम्म जित्छाैं ।
यस्तै सोही अन्तरक्रिया कार्यक्रममा पोख्रेलले सुरक्षा सम्बन्धी सरकार गैरजिम्मेवार रहेको भन्दै शंका व्यक्त गरेका छन् ।
