एमाले युवासंघले आयोजना गरेको कार्यक्रममा ६१ जनाले रक्तदान गरे

कपन अनलाइन पछिल्लो केही समयदेखि कपनमा हरेक हप्ता नियमित कार्यक्रम गर्दै आएको नेकपा एमालेले आफ्नो भातृ संगठन युवासंघको  अगुवाई गएको शनिवार वृहत रक्तदान कार्यक्रम सम्पन्न गरेको छ ।

कपन ३ स्थित ह्याण्डबल चौरमा आयोजित रक्तदान कार्यक्रममा एमाले केन्द्रिय सदस्य योगेश भट्टराई प्रमुख अतिथिको रुपमा उपस्थिति थिए । एमाले कपनका प्रमुखहरुको उपस्थितिमा आयोजित कार्यक्रममा १०० भन्दा बढि रक्तदानका लागि आए पनि ६१ जनाले मात्र रक्तदान गर्न पाए ।

बिहान ११ः०० बजेदेखि शुरु भएको कार्यक्रम २ः३० मा समापन भएको थियो । प्रमुख अतिथिको रुपमा आएका योगेश भट्टराई कार्यक्रमको अन्तिमसम्म उपस्थित थिए ।