काठमाडौ – ४ मा विवेकशील साझा पार्टीकी सुबुना बस्नेतको चुनावी अभियान जारी
कपन अनलाइन
काठमाडौ,कार्तिक २५
विवेकशील साझा पार्टीले आफ्नो चुनावी सभा सम्पन्न गरेको छ। सो कार्यक्रम विवेकशील साझा पार्टी, काठमाडौं क्षेत्र नम्बेर ४, निर्वाचन परिचालन समितीद्वारा आयोजना गरिएको थियो।
धेरै सर्वसाधारणको उपस्थिती रहेको उक्त कार्यक्रममा विवेकशील साझा पार्टीका केन्द्रीय सदस्य प्रकाश चन्द्र परियार, राष्ट्रिय शान्ति तथा सुब्यवस्था सरोकार समितीका अध्यक्ष निश्चल सङ्ग्रौला, काठमाडौं क्षेत्र नम्बर ४ प्रदेश सभाका उम्मेद्वार दिपेश श्रेस्ठ एबम प्रतिनिधी सभाका उम्मेद्वार सुबुना बस्नेत लगायतले आ-आफ्नो मन्तब्य राखेका थिए ।
सबै वक्ताहरुले “नेपालमा हाल रहेका बिसङ्गतीहरुलाई अन्त्य गर्न र देशलाई शान्त र सम्बृद्द बनाउनको लागी जनताले विवेकशील साझा पार्टीलाई भोट हाल्नुपर्ने बताएका थिए ।
क्षेत्र नम्बर ४ का निर्वाचन परिचालन समितीका संयोजक तुसार न्यौपानेले चुनाबी अभियान राम्रोसित अगाडि बढिरहेको र आम मतदाताले निकै राम्रो प्रतिक्रिया जनाउनु भएकोले आफुहरुले चुनाब जित्ने बिश्वास ब्यक्त गरे । कार्यक्रममा स्थानिय कलाकारहरु राजु बस्याल र बन्धु घिमिरेले आफ्नो प्रस्तुती दिएका थिए ।
