४ वटा वडा गन्दा वुनपा उद्धव खरेलमय बन्याे, २३०३ मतले अगाडि

कपन अनलाइन, काठमाडाैँ । काठमाडाैँकाे वुढानिलकण्ठ नगरपालिकामा एमालेकाे विजय सुनिश्चित बन्दै गएकाे छ । वडा नं. १० काे करिब ५०० मत गन्न बाँकी रहेकाे बेला मेयर पदमा नेकपा एमालेका उद्धव खरेल २३०३ मतले अगाडि रहेका छन् । खरेलले ५७३३ मत ल्याएका छन् भने नेपाली काँग्रेसका राजु श्रेष्ठले ३४३० मत प्राप्त गरेका छन् । सबैभन्दा धेरै मतदाता भएकाे कपन क्षेत्रका वडाहरूमा मत गणना सकिँदा एमालेले  लिएकाे अग्रतालाइ सबैले विजयी मत अग्रता भनेका छन् ।

यसैगरी हाल मत गणना भैरहेकाे वडा नं. १० मा एमाले विशाल अन्तरले  विजय हुने देखिएकाे छ । एमालेका वडाध्यक्ष उम्मेदवार नवराज भट्टराइले २१९६ मत ल्याएका छन भने काँग्रेसका श्याम डाेटेलले ९३२ मत ल्याएका छन् । वडाध्यक्षमा एमालेका उम्मेदवार भट्टराइ १२६४ मतले अगाडि छन् ।