आजबाट सुरु भयो काठमाडौंमा नवौँ राष्ट्रपति रनिङ सिल्ड

कपन अनलाइन

जिल्ला खेलकुद विकास समिति काठमाडौँद्वारा आयोजित नवौँ राष्ट्रपति रनिङ सिल्ड प्रतियोगिता काठमाडौँको क्षेत्र नं ७ मा आजबाट सुरु भएको छ । क्षेत्र नं ७ मा आयोजित प्रतियोगिताको नेपाली सेनाका प्रधानसेनापति राजेन्द्र क्षेत्रले  नेपाल युवक मावि पकनाजोलमा  उद्घाटन गरेका थिए। यस  प्रतियोगितामा २५ वटा विद्यालयका विद्यार्थीको सहभागिता रहेको  छ।
जिल्ला खेलकुद विकास समितिका सदस्य तथा कार्यक्रम संयोजक राधिका अधिकारीको सभापतित्वमा सम्पन्न उक्त कार्यक्रममा जिल्ला खेलकुद विकास समितिका कार्यालय प्रमुख लिलाराम बस्नेत ,जिल्ला खेलकुद विकास समिति सदस्य दिपा बन  लगायतको उपस्थिति रहेको थियो ।

आज भएको खेलमा नेपाल युवक माविका प्रतिक सुन्दास ज्याबलिङ्थ्रोमा प्रथम भएका छन् भने लंगजम्प र ट्रिपल जम्पमा नेपाल युवक माविका रोहित गुप्ता प्रथम भएका छन् । सर्ट कुटमा शान्ति विद्या गृहका सुसिल बिके प्रथमभए भने महिला तर्फबाट नेपाल युवक माविका फूर्बा शेर्पा प्रथम भएकी छिन् ।

शुक्रबार हुने खेलहरू
महिला भलिबल, १०० मिटर दौड , २०० मिटर दौड,  कबर्डी र हाइजम्पका खेलहरु खेलाइने नेपाल युवक माविका शिक्षक तथा सह संयोजक ईश्वर सुनारले कपन अनलाइनलाई बताए ।

हेर्नुस आजभएको उद्घाटनका तस्विरहरु