मलेसियामा शाहीको सम्मान तथा बिदाइ
कपन अनलाइन, पौष ४, २०७३/दिनेश खड्का” खप्तडी”
सुदुर पश्चिमेली सेवा समाज मलेसियाले मलेसियाका लागि नेपाली राजदुतावासका सचिव उत्तम कुमार शाहीलाई एक कार्यक्रमबीच बिदाइ तथा सम्मान गरेको छ। मलेसियामा नेपाली राजदुतावासका सचिव उत्तम कुमार शाही चार वर्ष मलेसियाको बसाई अन्त्य गर्दै स्वदेश फर्कन लागेको अवसरमा समाजप्रति गरेको अमुल्य सहयोगको उचित कदर गर्दै स-सम्मान तथा बिदाइ कार्यक्रम आयोजना गरिएको हो ।
मलेसियाको राजधानी क्वालालम्पुरस्थित उग्रतारा रेस्टुरेन्टमा गरेको बिदाइ तथा सम्मान कार्यक्रम औपचारिक रुपमा समाजका पुर्व अध्यक्ष टेक बहादुर बुढाले सन्चालन गरेका थिए । कार्यक्रमको सभापतित्व समाजका अध्यक्ष प्रकाश देव भट्टले गरेका थिए भने उक्त कार्यक्रममा प्रमुख अतिथि समाजकै सल्लाहकार एवम् समाजसेवी तथा व्यावसायी टेक राज धिक्तले थिए । सुदुर पश्चिमवासीको बाक्लो उपस्थिति रहेको उक्त कार्यक्रममा बोल्दै प्रमुख अतिथिलगायतका कार्यक्रमको सफलताको शुभकामना दिएका थिए । कार्यक्रममा शाहीलाई मायाको चिनो प्रदान गरि खादा ओढाइएको थियो । शाहीले सम्मानका साथ बिदाई गरिएको समाजका सचिव दिनेश टेलरले बताए । बिदाई कार्यक्रममा बोल्दै समाज र संस्कृति र संस्कारको लागि सदैब सु.पबासीहरु एकजुट भएर लाग्न आव्हानसहित समाजले दिएको यो सम्मान सदाबहार स्मरण रहने उनले बताए ।
