चार मुक्तक : पेसल आचार्य

कपन अनलाइन

काठमाडौं,पुस ६।

हाम्रा प्रतिनिधि
कहिले कुटाकुट गर्छन् संसदमै
कहिले फुटाफुट गर्छन् पार्टीमा
भत्ता, नाफा र सुविधाका लागि
मस्किँदै मुखामुख गर्छन् ।
पोसाक
गुन्युचोली हराएछन् हिजोआज
माइक्रो मिडीकै जीत भो
साडीचोलाहरू फ्लप हुँदै जाँदा
पारदर्शी पोसाक नै हिट भो ।
परिचय
दौरासुरुवाल, कोट, टोपी भित्र ला’को भोटो
तिम्रो हाम्रो गोठालाको व्यवहार सारै खोटो
अभाव र तृष्णा जति सबै हाम्रा भागमा
मीठो खान्छ, राम्रो लाउँछ शरीर उसको मोटो ।
हुलिया
दर्शन दिने वाचा गर्नेको बसेको छु पालो
आज्ञाकारी समूहभित्र बजाइँदैछ जोडले रालो,
टेन्डर, गोष्ठी, ठेक्का, भ्रमण सबै मन्त्रीजीको सालो
सिद्धान्तनिष्ठ भनाउँदाको डङ्गुर रै’छ भित्रै कालो ।

सहकार्य : कपन बानेश्वर साहित्यिक साप्ताहिक