बालगीत : जनार्दन अधिकारी ‘धड्कन’

कपन अनलाइन

काठमाण्ड,मङ्सिर  ४ ।

देशका खम्बा भोलिका
आज नै ज्ञानी बनेर
पाईला चालौं लक्ष्यमा
बाटो खनेर

मिहनत गरी बढौं
लक्ष्यमा अगाडि बढौं
नगरे आज कसैले
भोलि गर्दैन
अहिले पर्दछ गर्न
समस्या धेरै छ टार्न
अगाडि आफै नसरे
अरु सर्दैन

सन्तान हामी देशका
सन्तती आफ्नो कुलको
भविष्य हेरी खराब
बानी सुधारौं
एकता हाम्रो बल हो
पसिना पुण्य जल हो
माटोको माया छातीमा
गुराँस सारौं ।

सहकार्य : कपन बानेश्वर साहित्यिक साप्ताहिक