गजल : हेमा सुवेदी

कपन अनलाइन

काठमाण्डौ ,असार ७।

अहंकारको पर्दाले उज्यालो छेकिँदो रहेछ,
नम्रताको ज्योतिमुनि जीवन सजिँदो रहेछ ।

म सधैँ ठूलो भन्थेँ, अरूलाई सानो ठानेँ,
तर अन्तर्मनभित्र भित्तो खसेको देखिँदो रहेछ ।

कति घमण्डले मुटु काँचै बनाउँछ भने
समयले त चोट दिएर पाठ दिँदो रहेछ ।

झुकेको वृक्ष देखेँ, फलले झुकेको थियो,
लाग्यो विनम्रताले उचाइ चुलिँदो रहेछ ।

जीवनमा जित्ने हो भने झुक्न सिक, हे मन,
अहंकारले त बन्धन झन बुनिँदो रहेछ ।

सहकार्य : कपन बानेश्वर साहित्यिक साप्ताहिक