भ्याली पब्लिक र ग्रिनल्यान्ड फाइनलमा

कपन अनलाइन

काठमाण्डौ ,मङ्सिर १६ ।

आयोजक भ्याली पब्लिक र ग्रिनल्यान्ड १८ औं भ्याली पब्लिक अन्तरविद्यालय बास्केटबल प्रतियोगिताको सिनियर ब्वाइजमा आइतबार फाइनलमा प्रवेश गरेका छन् ।
भंगालस्थित घरेलु कोर्टमा भ्याली पब्लिकले गोल्डेनपिकलाई ५३–४९ ले पराजित ग¥यो । भ्याली पब्लिकको जितमा लाक्यप लामाले १९ अंक योगदान गरे । सुरेश बिसीको २३ अंक सहयोगमा ग्रिनल्यान्डले टीआईएलाई ५३–३९ ले हरायो ।
सिनियर गल्र्समा भ्याली पब्लिकले एलआरआईलाई ३०–१६ तथा टीआईएले ग्रिनलयान्डलाई २०–८ ले पाखा लगाउदै फाइनलमा स्थान सुरक्षित गरे । भ्याली पब्लिककी लोरिशा गौचनले १० तथा टीआईएकी एन्जिला शाहीले ८ स्कोर गरे ।
जुनियर ब्वाइजमा त्रिज्योतिले भ्याली पब्लिकलाई ३७–३५ र गोल्डेनपिकले एन्जल्स हार्टलाई ३४–२८ ले पन्छ्याउदै उपाधि भिडन्त पक्का गरे । त्रिज्योतिका नवाङ शेर्पाले ८ तथा गोल्डेनपिकका छेवाङ शेर्पाले १० अंक बटुले ।