गजल : लीलाराज दाहाल
कपन अनलाइन
काठमाडौं, भदौ २२।
देश छोडी बिदेशिन तिमीलाई हतार थियोे
उता भने आँशु बग्ने शोकाकूल असार थियो ।
माटोसँगै रमाएर हाँसे, खेले, गोडमेल गरे
चाङ्ग लाग्न सक्छ अझै धन यतै अपार थियो ।
परिश्रमी माहुरीले कति मीठो मह दिन्छ
काँधमा काँध मिलाए श्रमको यहीँ बजार थियो ।
अल्छी भयौ, श्रम गर्न जानेनौ तिमीले
सबै मिली जुटेदेखि आफ्नै गाउँमा कतार थियो ।
सहकार्य : कपन बानेश्वर साहित्यिक साप्ताहिक
तपाइँको प्रतिक्रिया ।
