बुढानिलकण्ठ नगरपालिकाका जनप्रतिनिधिले कार्यकाल सम्हालेको दुई वर्ष पुरा …..

कपन अनलाइन

काठमाण्डौ ,जेष्ठ ५।

बुढानिलकण्ठ नगरपालिकाका जनप्रतिनिधिले कार्यकाल सम्हालेको दुई वर्ष पुरा भएको छ। २०७९ शाल बैशाख ३० गते भएको निर्वाचनमा विजयी बनेका जनप्रतिनिधिहरुले जेष्ठ ६ गते सपथ ग्रहण गरेका थिए।

नगर प्रमुख उपप्रमुख र वडा अध्यक्ष सहित सदस्यहरुले सो निर्वाचनमा विजय गरे पश्चात नगरपालिकामा आयोजित एक कार्यक्रममा सपथ खाएका थिए।

आज दुई वर्ष पुरा भए पश्चात जनप्रतिनिधिहरुसंग अव तिन वर्षको समय बाकि रहेको छ। यसैक्रममा बुढानिलकण्ठ नगरपालिकाले जेष्ठ ४ गते सार्वजनिक सुनुवाई समेत आयोजना गरेको थियो।

सो सार्वजनिक सुनुवाई कार्यक्रममा नगरपालिकाले सम्पन्न गरेका कामहरुको वारेमा जानकारी प्रदान गरिएको थियो भने उपस्थित भएका स्थानीयहरुले विभिन्न प्रश्नहरु समेत राखेका थिए।

वितेको दुई वर्षमा बुढानिलकण्ठ नगरपालिकाले भौतिक पूर्वाधार सहित स्वास्थ्य र शिक्षा लगायतका क्षेत्रमा विशेष कार्यक्रमहरु संचालन गरेको छ भने आगामी दिनमा पनि पूर्वाधार विकास र मानवीय हितमा काम गर्ने बताएको छ।