श्री ग्राम शिक्षा माविको ६९ औ वार्षिकोत्सव तथा अभिभावक दिवस सम्पन्न

कपन अनलाइन

काठमाण्डौ ,जेष्ठ ५।

बुढानिलकण्ठ नगरपालिका वडा नम्बर ११ , कपन स्थित श्री ग्राम शिक्षा मन्दिर माध्यमिक विद्यालयको ६९ औँ वार्षिकोत्सव तथा अभिभावक दिवस कार्यक्रम सम्पन्न भएको छ।

उक्त वार्षिकोत्सव तथा अभिभावक दिवस कार्यक्रममा प्रमुख अतिथि नेपाली काङ्ग्रेसका महामन्त्री तथा काठमाण्डौ क्षेत्र नं ४ का सांसद   गगन कुमार थापा रहेका थिए भने  विशेष अतिथिका  नगरप्रमुख मिठाराम अधिकारी तथा यस नगरपालिकाका शिक्षा तथा खेलकुद महाशाखा प्रमुख ललित विक्रम सिंह रहेका थिए।

सो कार्यक्रममा  विद्यालयमा कक्षा उत्तीर्ण गरी तह वृद्धि गरेका विद्यार्थीहरू मध्ये उत्कृष्ट विद्यार्थीहरूलाई छात्रवृत्ति तथा पुरस्कार वितरण गर्नुका साथै  विभिन्न सांस्कृतिक तथा मनोरञ्जनात्मक क्रियाकलापहरू समेत प्रस्तुत गरिएको थियो ।

विभिन्न विद्यालयहरूका प्रधानाध्यापकहरूको समेत उपस्थिति रहेको कार्यक्रममा  विशेष अतिथिका रुपमा रहेका नगरप्रमुख मिठाराम अधिकारीले  मायाको चिनो वितरण गरेका थिए।