भ्याली पब्लिक बास्केटबलमा ७५ टिम सहभागी

कपन अनलाइन

काठमाण्डौ ,माघ १८ ।

भ्याली पब्लिक स्कुलको आयोजनामा हुने १६ औं भ्याली पब्लिक अन्तरविद्यालय बास्केटबल प्रतियोगितामा ७५ टिमको सहभागिता रहने भएको छ ।
बिहीबारदेखि सुरु हुने प्रतियोगितामा विभिन्न ३ विधामा ७५ टिमले लिग कम नकआउट आधारमा प्रतिस्पर्धा गर्ने बुधबार आयोजित पत्रकार सम्मेलनमा भ्याली पब्लिकका संस्थापक प्रिन्सिपल कृष्णप्रसाद अधिकारीले जानकारी गराए । सिनियर ब्वाइजमा २०, सिनियर गल्र्समा २४ र जुनियर ब्वाइजमा ३१ टिमले भाग लिने छन् ।
यो संस्करणदेखि विजेता र उपविजेता टिमलाई नगद पुरस्कार पनि प्रदान गरिने भएको छ । विजेताले २० हजार तथा उपविजेताले १० हजार नगद पुरस्कार प्राप्त गर्ने छन् । प्रतियोगिता सञ्चालन गर्न करिब ६ लाख रुपैयाँ खर्च हुने भ्याली पब्लिकका प्रशासन विभाग प्रमुख महेश अधिकारीले बताए । माघ २६ गतेसम्म चल्ने प्रतियोगिताका खेलहरु भंगालस्थित आयोजकको कोर्टमा खेलाइने छ ।