संबिधानमा धर्मका बारेमा माधब नेपालको धारणा यस्तो छ

सम्बिधान साउनको अन्तिमतिर  जारी गर्ने तयारी भैरहेको बेला सम्बिधान सुझाब संकलन गर्ने काम हालसालै सम्पन्न भएको छ । यसै क्रममा  सुझाब संकलनमा ब्यस्त  रहेका एमाले बरिष्ठ नेता माधबकुमार नेपालले  जनता संगको सुझाव संकलन गर्ने क्रममा  जनतालाई धर्मका बारेमा  उठेका  कुराहरुको जवाफ दिएको  भिडियो को  रुपान्तरण  यस्तो छ ।

नेपालको संबिधान २०७२ को मस्यौदा सुझाब संकलनमा प्राय जसो सुझावमा नेपाललाई हिन्दु राष्ट्र घोषित गर्नु पर्यो भन्ने छ, यो विषयमा तपाइँको धारणा के हो ?

अब हिन्दु राष्ट्र राख्दा ठिक हुन्छ, हुदैन भन्ने कुरा छ, अर्को धेरै जाती र धर्मका मान्छे बसोबास गर्ने ठाउँमा धर्म सँग किन जोड्ने भन्ने कुरो होे, मूख्य गरी धर्म निरपेक्ष राख्दा धर्म परिवर्तनले प्रत्साहन पाउछ कि भन्ने कुरा पनि छ । यो भन्दा पनि मान्छेको चासो के देखिन्छ भन्दा धर्म परिवर्तन गर्न पाउनु पर्छ भन्ने पनि छन् र पाउनु हुन्न भन्ने पनि छन । यी सबै कुरालाई एक ठाउँमा राखेर नेपालको जुन पहीचान छ जनताको जुन भावना छ, त्यसलाई समेटेर संविधानमा मिलाउनु उपयुक्त हुन्छ । यहि गर्नु पर्छ भन्ने होइन, हाम्रो पनि छलफल पश्चात नेपाली जनताको भावना अनुसार सबै धर्मका मानिसको चिन्ता र चासोलाई समेटेर संविधान आउनु पर्छ भन्ने हो ।

यो र यस्ता विषयहरुमा जनमत संग्रह गर्नु पर्छ भन्ने कूरा छ नि ?

जनमत संग्रहबाट यस्तो कुराहरु गर्ने कुरा गर्दा खेरि कतिको राम्रो परम्परा बस्ला ? एउटा फ्रन्ट गेट खोल्दा कहाँ कहाँ पुर्याउँछ भन्ने कुरा हुन्छ । मुल भावनालाई अर्थात चिन्ता र चासो लाई अझ भनौ हिन्दु धर्म मान्ने र अन्य धर्म मान्छेहरु राम्रो ढंगले सम्बोधन गरेर समेट्नुपर्छ । अरु देशको संविधानको पनि अध्ययन गर्नू पर्छ । किनकि हामीले देखेका छौ क्रिश्चियानिटी राष्ट्रमा नराखे पनि बाइबल समातेर शपथ ग्रहण गर्ने गरेका छन् । संविधानमा प्रधानमन्त्रि हुन क्रिश्चियन धर्मावलम्बि हुनुपर्ने पनि छ । त्यसैले हाम्रो देशमा कस्तो चलन र परम्परा बसाल्दा उपयुतm हुन्छ भन्ने कुरा सोच्नु पर्यो । मूख्यतः नेपाल हिन्दुहरुको बाहुल्य रहेको कुरालाई र नेपालले पूर्बिय सभ्यतालाई अबलम्बन गर्दै आएको पक्षलाई र ऋषि महर्षिहरुको भूमि रहेको यथार्थतालाई समेत ध्यानमा राखेर ,नेपाली जनताले सनातन कालदेखि नै मान्दै आएको धर्म ,परम्परा, मूल्य र मान्यतालाई प्रतिकुल असर नपरोस भन्ने कुरालाई ध्यानमा राखेर संबिधानमा राख्नु उपयृतm होला ।

 जस्तै अहिले यो २०६३ साल पश्चात धर्मनिरिपेक्षता गर्नै नहुने थियो भन्ने कुरा आइरहेका छन् , यसमा तपाईको भनाई के हो ?

 धर्मको बारेमा संबिधानमा लेखेर र दमन गरेर मात्र पनि हुदैन । हिन्दु धर्मावलम्बिहरुले बुझ्नुपर्ने कुरा के हो भने, हाम्रो धर्ममा कहाँ कमजोरी रहे, हाम्रा अभ्यासमा कहाँ कमजनेरी रहे, हाम्रा व्यबहारमा कहाँ कमजोरी रहे, हामीले जनताका समस्यालाई ध्यान दियौ कि दिएनौ । छुवाछुतलाई उन्मुलन गर्यौं कि गरेनौ ? गरिबी , अभाव र पछ्यौटेपनलाई हटाउन पहल गर्र्यौ कि गरेनौं ? यसको लाभ अरुले उठाउँन खोजिरहेका त छैनन् ? यी सबै कुरालाई ध्यानमा राखेर त्यहाँ पनि सुधारको काम गर्नु पर्यो । अहिले संविधानमा मात्र ध्यान दिएर हून्न कि ब्यवहारमा पनि ध्यान दिनुपर्र्यो भन्न चाहान्छु ।

 शासकीय स्वरुपमा प्रत्यक्ष निर्वाचित प्रधानमन्त्रिको कुरो सुझावमा आइरहेको छ यो विषयमा के भन्नु हुन्छ ?

 सुझावहरु आएका छन् , आइसकेपछि हामिले हिजोदेखि उठाउँदै आएको प्रत्यक्ष निर्वाचित प्रधानमन्त्रिको कुरा हो त्यसको निम्ति त्यो छलफलको विषय बन्छ ।

 १६ बुदें सहमतिभन्दा बाहिर गएर संविधानको मस्यौदा तयार हुने काम हुन्छ कि हुदैन ?

हैन यो १६ बुदें सहमति भनेको अकाट्य त छैन यसमा कुनै सुधार गर्नु पर्ने छ भने फेरि त्यहि पक्ष बसेर छलफल हुन्छ ।

हेर्नुस भिडियो