मोलुङ गाउँपालिकाको वडा नं. ६ श्रीचौरमा एकघरमा आगलागी
कपन अनलाइन
काठमाण्डौ ,कार्तिक २३ ।
बुधबार दिउँसो मोलुङ गाउँपालिकाको वडा नं. ६ श्रीचौरमा एकघरमा आगलागी भएको छ । आगलागीमा परी एक १५ महिने बालक बेपत्ता भएका छन् भने १५ लाख बढीको क्षति भएकाे छ ।
आगलागी हुँदा मोलुङ गाउँपालिका वडा नं. ६ श्रीचौरका कर्मा शेर्पाको छोरा १५ महिने बालक फुर्वा शेर्पा बेपत्ता भएका हुन् । बुधबार दिउँसो २ बजेतिर घरमा कर्मा शेर्पाको श्रीमान श्रीमती दुवै जना घर नभएको बेलामा आगलागी भएको र आगलागीमा परि बालक बेपत्ता भएको जिल्ला प्रहरी कार्यालय ओखलढुङ्गाका प्रमुख प्रहरी नायव उपरिक्षक दिपक केसीले जानकारी दिए ।
जिल्ला प्रहरी प्रमुख केसीका अनुसार बाबुआमा घर नभएको बेला ३ बर्षिय मिङ्मार शेर्पाले आगो सल्काउन लाइटर खेलाउँदा आगलागी भएको आशंका गरिएको छ । आगलागी भएको बेला साना दुई बालकहरू मात्र घर रहेको र बेपत्ता भएका बालकको दाजुले भाइ भित्र नै भएको बताएकोले बालक आगोमा परेको आशङ्का गरिएको प्रहरी प्रमुख केसीले बताए ।
