भूकम्प पिडितलाई सहयोग गर्न जाजरकोट हिड्यो बुढानिलकण्ठ स्काउटको टोली

कपन अनलाइन

काठमाण्डौ,कार्तिक २२।

जाजरकोट जिल्लामा गएको भूकम्प पिडितको सहयोगका लागि बुढानिलकण्ठ नगरपालिका स्काउटको टोलि सो स्थान तर्फ प्रस्थान गरेको छ। बुढानिलकण्ठ नगरपालिका वडा नं ११ का अध्यक्ष राजु अधिकारीको नेतृत्वमा जाजरकोट जाने टोलीको नगरपालिकाले विदाई गरेको छ।

जाजरकोटमा पुगेर उदार ,राहत वितरण तथा अन्य सहयोगका लागि स्वयंसेवा गर्नका लागि बुढानिलकण्ठ नगरपालिकाबाट जाने टोलीमा ७ सदस्य रहेका छन।

उक्त टोलीलाई नगरपालिकाका प्रमुख सहितको टोलीले विदाई गर्दै विपदको समयमा सेवा गर्नका लागि आग्रह गर्दै नगरपालिकाले थप सहयोग गर्ने प्रतिवादत्ता समेत व्यक्त गरेका थिए।

बुढानिलकण्ठ नगरपालिकाबाट भूकम्प प्रभावित स्थलमा वडा अध्यक्ष अधिकारी सहित अङ्गुर पौडेल ,राजकुमार खड्का,स्वस्तिक कार्की ,हिमाल चौलागाई ,रोसन श्रेष्ठ ,प्रविण घिमिरे र युवराज पन्थी रहेका छन।