सिद्धिचरण नगरपालिका वडा नं. १० वेतिनीको एक घरमा आगलागी

कपन अनलाइन

काठमाण्डौ ,कार्तिक १४।

सिद्धिचरण नगरपालिका वडा नं. १० वेतिनीको एक घरमा आगलागी भएको छ । बेतिनीका केदारनाथ धमलाको फुसको छानो भएको तिनतले घरमा आगलागी भएको हो ।

शोमबार विहानी पख राती साँढे २ बजेतिर आगलागी हुँदा स्थानीय केदारनाथ धमलाको फुसको छानो भएको तिनतले घर जलेर पूर्ण रुपमा नष्ट भएको जिल्ला प्रहरी कार्यालय ओखलढुङ्गाले जनाएको छ । आगलागी हुँदा घरका काठपात तथा घर भित्र राखेको बा. ८२ प ७७२ नम्बरको पल्सर मोटरसाईकल र बा ८५ प २४०८ नम्बरको होण्डा मोटरसाइकल समेत पूर्णरुपमा जलि नष्ट भएको जिल्ला प्रहरी कार्यालय ओखलढुङ्गाका सुचना अधिकारी प्रहरी निरीक्षक बलिष्टार सिंहले जानकारी दिएका छन  ।

आगलागीलाइ स्थानीयको पहलमा विहान ६ बजेतिर मात्र नियन्त्रणमा लिएको प्रहरीले जनाएको छ । पुरानो घर भएका कारणले मानिस नबस्ने हुँदा मानविय क्षति भने नभएको प्रहरी जनाएको छ । आगलागीमा परि करीब ११ लाख १० हजार बराबरको क्षति भएकाे र के कारणले आगलागी भएको हो भन्ने बारेमा अनुसन्धान भइरहेको पनि जिल्ला प्रहरी कार्यालय ओखलढुङ्गाले जनाएको छ ।