इन्द्रजात्रा हेर्न गएका ओखलढुंगा लिखुका कार्कीको हत्याका आरोपी पक्राउ

कपन अनलाइन

काठमाडौँ ,आश्विन १६।

इन्द्रजात्रा हेर्न आएका युवकको हत्याका मुख्य आरोपीलाई प्रहरीले ललितपुरबाट पक्राउ गरेको छ। गोदाबारी नगरपालिका ५ ललितपुरका अरविन ठकुरलाई पाटन क्याम्पस नजिकैबाट प्रहरीले केहीबेर अघि पक्राउ गरेको हो।

ओखलढुंगाको लिखु गाउँपालिका ४ घर भई हाल क्षेत्रपाटी बस्ने १७ वर्षीय सनी कार्कीको सोमबार राति हत्या भएको थियो।सोही घटनामा संलग्न रहेको आरोपमा यसअघि एक महिला र एक पुरुषलाई पक्राउ गरेको भएपनि उनीहरुको संलग्नता पुष्टि भइनसकेको प्रहरी परिसर काठमाडौंले जानकारी दिएको छ। परिसर स्रोतका अनुसार ठकुरीले भने चक्कू प्रहार गरेका थिए।