संस्कार : मनीषकुमार शर्मा ‘समित’ (लघुकथा)

कपन अनलाइन

काठमाण्डौ ,भाद्र २३।

‘हे भगवान ! कस्तो चाहिँ बुहारी भित्राइएछ । कुलवन्ती भनेको त कुसंस्कारी परिछ ।’ सासुको नव दुलही प्रति दिनहुँ जसो टोकेसो थियो ।

एकदिन हैन दुईदिन हैन । आजित बुहारीले आज सबैको सामु कागजको टुक्रा लिएर ठुलो स्वरले पढ्न थालिन् –

सुन– ५ तोला

चाँदी– ५ तोला

मोटर साईकल – १

स्मार्ट टिभी – १

फ्रिज – १

लुगा धुने मेसिन – १

सोफा– १ सेट

पलङ्ग –२

दराज –२

नगद रु. २५ लाख

खै हजुरहरूले माग गर्नु भएको दाइजोमा त संस्कारी बुहारीको उल्लेख नै छैन त

सहकार्य : कपन बानेश्वर साहित्यिक साप्ताहिक

तपाइँको प्रतिक्रिया ।