दोश्रो वडा अध्यक्ष कप भेट्रान फुटबल प्रतियोगितामा थापागाउँको जित

कपन अनलाइन

काठमाण्डौ ,जेठ ३२।

थापागाउँले दोश्रो वडा अध्यक्ष कप भेट्रान फुटबल प्रतियोगितामा बुधबार जित हात पारेको छ ।
चन्द्रविनायक पार्क, चावहिल मैदानमा थापागाउँले चावहिल भेट्रान ‘ए’ लाई ४–१ गोलले पराजित गर्यो  । थापागाउँका हरिहर थापा, धनवीर चौधरी, शशि गौतम र प्रवेशजंग थापाले १–१ गोल गरे । चावहिलका अजब श्रेष्ठले सान्त्वना गोल गरे ।
काठमाडौं महानगरपालिका वडा ७ को आयोजनामा भइरहेको प्रतियोगितामा बौद्ध भेट्रान र तकामी पनि विजयी भए ।
बौद्धले एजेलाई ३–१ गोलले हरायो । बौद्धका धर्मेन्द्र लमाले ह्याट्रिक गरे । एजेका रवि थापा मगरले १ गोल   फर्काए । तकामीले किङकोम स्पोर्ट्स क्लबलाई टाइब्रेकरमा ४–३ गोलले पाखा लगायो । निर्धारित समयको खेल २–२ को बराबरीमा सकिएको थियो ।