श्री बौद्धनाथ क्षेत्र विकास कप सेभेन ए साइड खुल्ला फुटबल प्रतियोगिता आज बाट शुरु हुदै

कपन अनलाइन 

काठमाडौं जेठ ३१।श्री टुसाल युथ क्लब  द्वारा आयोजित  बौद्धनाथ क्षेत्र विकास कप सेभेन ए साइड खुल्ला  फुटबल प्रतियोगिता आज बाट शुरु हुने भएको  छ । खेलको माध्यमबाट आपसी भाइचारा मित्रता र सामाजिक सदभाब कायम गर्दै प्रतिभावान खलाडी उत्पादनमा सहयोग पुगोस भन्ने हेतुले बौद्धनाथ क्षेत्र विकास कप सेभेन ए साइड  खुल्ला फुटबल प्रतियोगिता २०८० आयोजना गर्न लागिएको श्री टुसाल युथ क्लब का अध्यक्ष विजय लामाले कपन अनलाइनलाइ जानकारी गराए ।विश्व सम्पदा सुचिमा सुचिकृत बौद्धनाथको प्रवर्द्धनमा समेत टेवा पुगोस भन्ने उदेश्यले आज बाट असार २ गते सम्म  काठमाडौं महानगरपालिका वडा नं ६ स्थित बौद्ध टाउन प्लानिङमा आयोजना हुने प्रतियोगितामा कुल २८ टिमको सहभागिता रहेको टुसाल युथ क्लब का अध्यक्ष विजय लामाले जानकारी गराए ।

बौद्ध टाउन  प्लानिंगको फुटबल मैदानमा हुने उक्त  प्रतियोगितामा प्रथम हुने  टिमले नगद रु  ५० हजार ५ सय ५५ रुपैया सहित ट्रफी मेडल  र प्रमाणपत्र प्राप्त गर्नेछ भने दितीय हुने टिमले नगद रु २५ हजार ५ सय ५५ सहित ट्रफी मेडल  र प्रमाणपत्र प्राप्त गर्नेछ ।त्यसैगरि प्रतियोगितामा उत्कृष्ट खेलाडी उत्कृष्ट गोल रक्षक र   उत्कृष्ट डिफेन्सलाइ समेत पुरस्कारको व्यवस्था रहेको आयोजकले जानकारी गराएको छ ।