कुशे औंशीलाइ मध्यनजर गर्दै सरसफाईमा जुट्यो गोकर्णेश्वरको तालिन्चोक युवा क्लब
कपन अनलाइन
काठमाडौँ, भाद्र ८ । गोकर्णेश्वर नगरपालिका वडा नं ४ मा रहेको तालिन्चोक युवा क्लबले भगवती मन्दिर क्षेत्रमा सरसफाई गरेको छ । प्रत्येक वर्ष भाद्र कृष्ण औँसी ( कुशे औंशी) का दिन उपत्यकाको उत्तर–पूर्वी भेगस्थित गोकर्णेश्वर महादेव मन्दिरमा लाग्ने मेलालाइ मध्यनजर गर्दै तालिन्चोक युवा क्लबले सरसफाई गरेको क्लबकाअध्यक्ष श्याम श्रेष्ठले जानकारी गराए ।
मेला पर्वको बेलामा मात्र सरसफाई गर्ने नभई अन्य बेलामा पनि सरसफाई गर्नुपर्नेमा जोड दिदै अध्यक्ष श्रेष्ठले सफा वडा नै आफनो पहिचान, परिचय अनि सभ्यता संग गासिएकोले आफु बस्ने वडालाइ सभ्य ,सफा र बिकसित वडा वनाउनको लागि सबै जना लाग्नु पर्ने बताए ।
क्लबले सडक किनारमा अनावश्यक रुपमा उम्रिएका झाडी सफाई र फोहोर संकलन गरेको जानकारी दिदै मेलालाई मध्यनजर गर्दै भोलि बिहान ६:३० बजे महादेब मन्दिर परिसर सरसफाई गर्न लागिएको पनि उनले जानकारी गराए । साथै उनले सो कार्यमा सहभागी हुन पनि सबैलाई अनुरोध गरेका छन ।
