मनास्लु वर्ल्ड स्कुल कागेश्वरी-३ को तीज विशेष कार्यक्रम सम्पन्न

कपन अनलाइन

काठमाण्डौ ,भाद्र ६ ।

मनास्लु वर्ल्ड स्कुल कागेश्वरी-३  को तीज विशेष कार्यक्रम सम्पन्न भएको छ।

कागेश्वरी मनोहरा नगरपालिकाकी उपमेयर शान्ता थापाको प्रमुख आतिथ्यतामा भएको सो कार्यक्रममा २५० जना भन्दा बढी स्थानीय ,अभिभावक तथा समाजसेवीहरुको उपस्थिति रहेको थियो।

यस मनास्लु वल्र्ड स्कुलको प्राङ्गणमा  शनिबार भएको  तीज बिशेष कार्यक्रममा  समाजसेवी बासु पौडेल,जादूगर तथा हास्यकलाकार माहादेव त्रिपाठि जग्रेश्वर मन्दिर निर्माण समितिका अध्यक्ष राजेन्द्र प्रसाद ढकाल , समाजसेवी बिनोद आदित्य, इसान कागेश्वरी मनोहरा नगरपालिकाका अध्यक्ष कुमार अधिकारी विद्यालयका अभिभावक ज्युहरुको बाक्लो उपस्थिति रहेको  थियो।

विद्यालयमा बिश्वको सबैभन्दा होचो व्यक्ति मनोज गोर्खालीको पनि उपस्थिति रहेको सो  कलाकार माहादेव त्रिपाठिले आफ्नो कलाका माध्यमबाट जादु देखाएका थिए भने विद्यार्थीले नृत्य तथा  नाटक समेत प्रस्तुत गरेका थिए  ।

विद्यालयका व्यबस्थापन समितिका अध्यक्ष लिलानाथ निरौलाको अध्यक्षतामा भएको कार्यक्रम  नेपाली नारीको महान चाड हरितालिका तीज नजिकिदै गर्दा नारीहरुको सम्मान र संस्कृतिको संरक्षणका लागि  आयोजना गरेको कुरा विद्यालयका प्रधानाध्यपक दिनेश घिमिरेले जानकारी दिएका छन ।