दोश्रो रिलायन्स खुल्ला निवन्ध प्रतियोगिताका विजयीहरुलाई पुरस्कार वितरण

कपन अनलाइन

काठमाण्डौ ,साउन ९।

दोश्रो रिलायन्स खुल्ला निवन्ध प्रतियोगिताका विजयीहरुलाई पुरस्कार वितरण  गरिएको छ । रिलायन्स इन्टरनेसनल एकेडेमीको आयोजनामा भएको दोश्रो रिलायन्स खुल्ला निवन्ध प्रतियोगिताका विजयीहरुलाई प्रिन्सिपल रविन्द्र जङ्ग थापाले पुरस्कार प्रदान गरेका थिए।

सो प्रतियोगितामा ओखलढुंगा जिल्लाको बरुणेश्वर मावीकी सामना खतिवडा प्रथम भएकी थिइन् । प्रथम भएकी खतिवडाले नगद १० हजार सहित एडमिसन र ट्युसन फिसमा १००% छात्रवृति पाएकी छन।

त्यस्तै सो प्रतियोगितामा श्री मालिका मावी बाजुराका लोकेन्द्र धामी दितीय भएका थिए  भने  बरुणेश्वर मावी ओखलढुंगाकी नविना नेपाल तृतीय भएकी थिइन् । दितीय हुने धामीले नगद ६ हजार सहित एडमिसन र ट्युसन फिसमा ९ महिनाको छात्रवृति पाएका छन भने तृतीय भएकी नेपालले नगद ४ हजार र एडमिसन र ट्युसन फिसमा ६ महिनाको छात्रवृति पाएकी छन।

सो प्रतियोगितामा नगद १ हजार र ५०% प्रतिसतको छात्रवृति सहित १० जनाले सान्त्वना पुरस्कार पाएका छन। सान्त्वना पुरस्कार पाउनेमा आन्जिता खड्का ,आयुषा आचार्य ,तपेन्द्र शाही ,प्रशान्त पन्थी ,आशिका चपाई ,शर्मिला बस्नेत ,अर्जुन बाबु कट्टेल ,आर्यन श्रेष्ठ ,विलक्षण निरौला ,विन्दिया तामाङ रहेका थिए ।