सेन्ट लरेन्स कलेज चावहिल उत्कृष्ट कलेजका रुपमा सम्मानित

कपन अनलाइन

काठमाण्डौ ,असार २९।

सेन्ट लरेन्स कलेज उत्कृष्ट कलेजको रुपमा सम्मानित भएको छ । बुधबार २ सय ९ औं भानु जयन्ती र गूरुपुर्णिमाको अवसरमा फोकस नेपाल संस्थाले सो कलेजलाई उत्कृस्ट कलेजका रुपमा सम्मान गरिएको हो।

नेपाल पर्यटन बोर्डको सभाकक्षमा फोकस नेपाल संस्थाद्धारा गरिएको समारोहमा पूर्व प्रधानमन्त्री एवं नेकपा एकीकृत समाजवादीका सम्मानित नेता झलनाथ खनाल र नेपाल सरकारका राज्यमन्त्री उमेश श्रेष्ठले अध्यक्ष केशव प्रसाद दंगाललाई सम्मान पत्र हस्तान्तरण गरेका थिए।

लामो समयदेखि अनवरत रुपमा उत्कृष्ट नजिता दिन सफल भएकोले कलेजलाई सम्मान गरिएको फोकस नेपाल संस्थाका अध्यक्ष रामचन्द्र पोखरेलले जानकारी दिएका छन।

कलेजको स्थापनाकालदेखि नै बिद्यार्थीहरुमा सधै उत्कृष्ट नतिजा दिन सफल हुँदै देशका लागि दक्ष जनशक्ति उत्पादन गर्ने सक्षम भएका आधारमा छनौंट गरेर कलेजलाई सम्मान गरिएको आयोजकले बताएको छ । फोटो सौजन्य : नयाँ पोस्ट