लायन्स क्लब अफ काठमाडौं जर्नी र न्युटन इन्टरनेसनल कलेज द्वारा संयुक्त रुपमा आयोजित रक्तदान सम्पन्न
कपन अनलाइन
काठमाडौँ, असार ३० ।लायन्स क्लब इन्टरनेसनल डिस्ट्रिक ३२५ डी अन्तर्गतको लायन्स क्लब अफ काठमाडौं जर्नी र न्युटन इन्टरनेसनल कलेजको संयुक्त आयोजनामा रक्तदान कार्यक्रम सम्पन्न भएको छ । गुरुपुर्णिमाको अवसरमा बुधबार न्युटन इन्टरनेसनल कलेज परिसरमा जोरपाटी नारायणटारमा आयोजित उक्त रक्तदान कार्यक्रममा ३१ पिन्ट रगत संकलन भएको लायन्स क्लब अफ काठमाडौं जर्नीका प्रेसिडेन्ट बिशाल भण्डारीले कपन अनलाइनलाइ जानकारी गराए उनका अनुसार छोटो समयको तयारीका बाबजुत पनि ३१ जनाले रक्तदान गरेकोमा खुसि ब्यक्त गर्दै रक्तदाताहरुलाई धन्यवाद दिएका छन् भने आगामी दिनमा पनि यस्तै सहयोगको अपेक्षा गरेका छन।
रक्तदान कार्यक्रममा गोकर्णेश्वर नगरपालिकाका निवर्तमान नगर प्रमुख सन्तोष चालिसे, वडा नं ५ का वडा अध्यक्ष नारायण बहादुर सुवेदी , वडा नं ६ का वडा अध्यक्ष नवराज लामा लायन्स क्लब इन्टरनेसनल डिस्ट्रिक ३२५ डी का डिस्ट्रिक गभर्नर लायन बिष्णु भाइ श्रेष्ठ डिस्ट्रिक ३२५ डी का प्रथम भाइस डिस्ट्रिक गभर्नर लायन रमेश लामा, डिस्ट्रिक ३२५ डी का दितीय भाइस डिस्ट्रिक गभर्नर लायनसुरेन्द्र प्रकाश बलाय लगायत लायन्स लिडर सहित आयोजक संस्थाका पदाधिकारीहरुले रक्तदाताको हौसला बढाउदै प्रशंसा पत्र प्रदान गरेका थिए ।
