गोमा एयरको जहाज धावनमार्गमा धस्सियो, विमानस्थल अबरुद्ध
पोखरा- मुस्ताङको जोमसोमबाट पोखराका लागि उडेको गोमा एयरको जहाज अवतरणका क्रममा पोखरा विमानस्थलमा सामान्य दुर्घटनामा परेको छ। जोमसोमबाट आज बिहान १८ जना यात्रु बोकेर आएको ९ एन एकेवाइ कलसाइनको जहाज पोखरा विमास्थलको धावनमार्गमा सामान्य दुर्घटनामा परेको हो।
जहाजको नोज ह्विल नखुल्दा धावनमार्गमा धस्सिएको विमानस्थलका प्रमुख दिपक बरालले नागरिकन्युजलाई जानकारी दिए। यो समचार तयार पार्दासम्म धावनमार्गबाट जहाज हटाइएको छैन।धावनमार्गबाट विमान हटाउन केहीबेर लाग्ने विमानस्थल स्रोतले जनाएको छ। जहाज दुर्घटनापछि अहिले पोखरा विमानस्थल अबरुद्ध छ। गोमा एयरले गतवर्षदेखि पोखरा-जोमसोम उडान गर्दै आएको थियो।
तपाइँको प्रतिक्रिया ।
