बागमती प्रदेश सभा सदस्य छिरिंग दोर्जे लामाको पहलमा नयाँ जीवन नेपाल संस्था गोकर्णेश्वर ५लाइ आवश्यक सामग्री प्रदान

कपन अनलाइन

काठमाडौं, जेठ २०  । गोकर्णेश्वर नगरपालिका वडा  नं ५ मा रहेको नयाँ जीवन नेपाल संस्थालाइ आवश्यक सामग्री हस्तान्तरण गरिएको छ। बागमती प्रदेश सभा सदस्य माननीय छिरिंग दोर्जे लामाको पहलमा प्रदेश पूर्वाधार साझेधारी कार्यक्रम अन्तरगत  विनियोजित रकम र गोकर्णेश्वर नगरपालिका वडा नं ५ को सहकार्यमा संस्थालाई आवश्यक उपकरणहरु प्रदान गरिएको हो ।

नयाँ जीवन नेपाल संस्थाले  बौद्धिक अपांगता भएका बालबालिकाहरुलाइ संरक्षण गर्दै आइरहेको छ र उनीहरुको दैनिक जीवन सहजीकरणका लागि  प्रदेश सांसद लामाको पहलमा सामग्री हस्तान्तरण गरिएको हो ।  कार्यक्रममा  बागमती प्रदेश सभा सदस्य छिरिंग दोर्जे लामा, गोकर्णेश्वर नगरपालिका वडा नं ५ का वडा अध्यक्ष नारायण बहादुर सुवेदी , वडासदस्यहरु लगायत स्थानीयको उपस्थिति रहेको थियो ।