नागार्जुन नगरपालिकाको प्रमुखमा एमालेका नन्दनहरि गौतम र उपप्रमुखमा शुसिला अधिकारीले मनोनयन दर्ता गराए

कपन अनलाइन

काठमाडौँ,बैशाख १२ ।  नागार्जुन  नगरपालिकामा  नेकपा एमालेले उम्मेदवारी दर्ता गराएको छ । नेकपा एमालेका नन्दनहरि गौतमले मेयरको लागि मनोनयन दर्ता गराएका हुन् । त्यस्तै उपमेयरमा सुशिला अधिकारीले  मनोनयन दर्ता गराएकी छन् ।बाजागाजा सहित मुख्य निर्वाचन अधिकृतको कार्यालयमा गएको एमालेको टोलीले मेयरमा गौतम र उपमेयरमा अधिकारी  सहित सबै वडामा उम्मेदवारी दर्ता गराएका हुन् ।मनोनयन दर्ता गर्न मुख्य निर्वाचन अधिकृतको कार्यालय नागार्जुन पुगेका मेयरका उम्मेदवार गौतमले समग्र नागार्जुन नगरको   विकासको लागि आफ्नो उम्मेदवारी भएको बताएका छन  ।