भुकम्पका कारण आज पनि नुवाकोटमा एक को मृत्यु

२८ वैशाख, नुवाकोट ।भुकम्पको कारण भत्किएको घरभित्रवाट अन्न झिक्न खोज्दा घरको ढुङ्गा खसेर आज बिहान नुवाकोटमा एक महिलाको मृत्यु भएको छ ।

जिल्लाको तलाखु गाविस वडा नम्बर–८ की सानुकान्छी तामाङ्गको घरभित्रै चेपिएर मृत्यु भएको हो । भत्किएको घरभित्रबाट धान निकाल्न गएकी तामाडको बोरा तान्दा माथिबाट ढुङ्गा खसेर घटनास्थलमा नै मृत्यु भएको जिल्ला प्रहरी कार्यालय नुवाकोटले जानकारी दिएको छ ।