शान्ति दीप प्रज्वलन सम्पन्न

वैशाख २८/कपनअनलाइन गत बैशाख १२ गते गएको महाविनासकारी भुकम्पमा दिवंगत आत्माको चिर शान्तिको कामना र घाईतेको शिघ्र स्वास्थ्य लाभको कामना गर्दै बुढानिलकण्ठ नगरपालिका वडा नं १२ कपनको स्थानीय महिलाहरुले शान्ति दीप प्रज्वलन गरेका छन् ।

निखिलेश्वर महिला उत्थान केन्द्रले आज बैशाख २८ गते निखिलेश्वर महादेव मन्दिर परिसरमा सो कार्यक्रम सम्पन्न गरेको हो । करिब ५० जना स्थानीयहरुको सहभागितामा भएको उक्त कार्यक्रममा देशले अब कहिले यस्तो खालको विपत्तिको सामना गर्न नपरोस् भनेर पार्थना समेत गरिएको अध्यक्ष शिला लामाले कपनअनलाइनलाई बताइन ।