रिलाइन्सले प्राबिधिक त्रुटी भएको स्वीकार्याे, विद्यार्थी जुगलमा भर्ना
कपन अनलाइ वैशाख -१०
रिलाइन्स स्कूलले कक्षा नर्सरीदेखि पढाएको विद्यार्थी कक्षा सातको परीक्षामा असफल हुदा विद्यार्थीलाई भर्ना नलिएको विषयमा कपन अनलाइनले प्रकाशित गरेको समाचारपछि सम्बन्धित दुवै पक्ष बीच छलफल भएको छ । कपन अनलाइनसहितको छलफलमा स्कूलले प्राविधिक त्रुटी भएको बताएको छ ।
स्कूलका अनुसार विद्यार्थीका अभिभावकले ढिलो सम्पर्क गरेको र सो कुरा प्रिन्सिपलसम्म नपुगेकोले यो समस्या उत्पन्न भएको हो । रिलाइन्सका प्रिन्सिपल खेमलाल भुषालले यो घटनालाई नियतबस भएको घटना नसम्झिदिन अनुरोध गरेका छन् । भुषालले विद्यार्थी आएको खण्डमा उनलाई भर्ना लिइने बताए ।
यद्यपि अभिभावकले २ दिन अगाडि नभएको सिट समाचार प्रकाशित भएपछि कसरी उपलब्ध भयो ? भन्दै अब रिलाइन्समा आफ्नो बच्चा नपढाउने बताए ।
यसैबीच सृजन मिश्रल कपनकै जुगल इंग्लिस स्कूलमा भर्ना भएका छन् । जुगल स्कूलका अध्यक्ष डोरप्रसाद आचार्यका अनुसार उनलाई परीक्षा लिएर भर्ना गरिएको हो । कपन अनलाइनसँगको भेटमा आचार्यले विद्यार्थीमा सुधारका प्रशस्त संभावना देखेर हामीले भर्ना लिएका हौं भने ।
