गजल : निर्मलरमण पराजुली
कपन अनलाइन
काठमाण्डौ ,माघ १५।
छोरो बुद्ध हरायो, भन्दै रुन्छिन नेपाल आमा
जताततै चित्कार मात्रै, सुन्छिन नेपाल आमा ।
स्वर्गको टुक्रा, हिमाल पहाड र तराइ
शान्ती छाओस भन्दै, देबता छुन्छिन नेपाल आमा ।
सुन्दर शान्त देश, एकता मिलाप सबै
समृद्धि हित सपना, बुन्छिन नेपाल आमा ।
चार जात छत्तिस वर्ण, सुन्दर बगैचामा
हरेक फूलको हृदयमा, हुन्छिन नेपाल आमा ।
काटे रगत रातो, कोख एउटै सन्तानको
हृदय फाट्दा तन भरी, गुन्छिन नेपाल आमा ।
सहकार्य : कपन बानेश्वर साहित्यिक साप्ताहिक
तपाइँको प्रतिक्रिया ।
