बुढानिलकण्ठ-८ जगन्नाथ मन्दिर नजिक आगलागी,नगर प्रहरीको सक्रियतामा नियन्त्रण

कपन अनलाइन

काठमाण्डौ ,पौष १४।

बुढानिलकण्ठ नगरपालिका वडा नं ८ जगन्नाथ मन्दिर नजिक आज बिहान  आगलागी भएको छ। वडा नं ८ को तल्लो भंगाल क्षेत्रमा रहेको बिजुलीको पोलमा विद्युत सर्ट भएर आगलागी भएको हो।

सो क्षेत्रमा आगलागी भएको सुचना प्राप्त गर्नासाथ परिचालन भएको बुढानिलकण्ठ नगर प्रहरीको प्रयासमा सो आगलागी अहिले नियन्त्रणमा आएको नगर प्रहरी प्रमुख रमेश खतिवडाले जानकारी दिएका छन।

आगलागीको सुचना प्राप्त गरेर नियन्त्रणका लागि सक्रिय बनेको नगर प्रहरीको सक्रियताले ठुलो क्षेती नभएको स्थानीयहरुले बताएका छन।