नेपाली कांग्रेस गोकर्णश्वर -४ इकाइको कार्यालय उद्घाटन
कपन अनलाइन
काठमाडौं ,कात्तिक १४। नेपाली कांग्रेस गोकर्णश्वर नगरपालिका वडा नम्वर ४ इकाइको कार्यालय उद्घाटन कार्यक्रम सम्मन्न भएको छ ।शनिबार बिहान गोकर्णेश्वर नगरपालिका वडा नं ४ उत्तरबाहिनी चोकमा स्थापित इकाई ४ को कार्यालय नेपाली कांग्रेसको केन्द्रीय सदस्य एबम पुर्व मन्त्री अम्बिका बस्नेत,बागमती प्रदेश सभा सदस्य छिरिंग दोर्जे लामा, काठमाडौं क्षेत्र नं ३ का क्षेत्रीय सभापति एबम गोकर्णेश्वर नगरपालिका प्रमुख सन्तोष चालिसे ,इकाई सभापति ज्ञानकुमार श्रेष्ठ लगायतले संयुक्त रुपमा उद्घाटन गरेका हुन।
इकाई समितिको कार्यालय स्थापनाले नै पार्टीलाई चलायमान बनाउन सहयोग पुग्ने भएकोले इकाई कार्यलय स्थापना गरेको इकाई सभापति ज्ञानकुमार श्रेष्ठले जानकारी गराए। पार्टीलाई एकमत बनाएर लैजानका लागि सबै जिम्मेवार ढंगले लाग्नुपर्ने बताउदै उनले चाडैनै प्रशिक्षण लगायतको कार्यक्रम ल्याउने पनि बताए ।
कार्यक्रममा भात्रृ संगठनका पदाधिकारीहरु, क्षत्रीय प्रतिनिधि इकाई सभापतिहरु , इकाइका सदस्यहरु लगायत बिभिन्न संघ संस्थाका पदाधिकारी सहित नेपाली कांग्रेसका नेता कार्यकर्ता र स्थानीयको उपस्थित रहेको थियो ।
