नेकपा एमाले बुढानिलकण्ठ -८ को शुभकामना आदानप्रदान तथा चियापान कार्यक्रम सम्पन्न
कपन अनलाइन
काठमाण्डौ ,कार्तिक १४।
नेकपा एमाले बुढानिलकण्ठ -८ को शुभकामना आदानप्रदान तथा चियापान कार्यक्रम सम्पन्न भएको छ। बुढानिलकण्ठ नगरपालिका वडा नं ८ गोल्फुटार बास्केट बल कोर्टमा भएको सो कार्यक्रमको प्रमुख अतिथि नेकपा एमालेका केन्द्रीय सदस्य तथा विदेश विभाग प्रमुख डा. राजन भट्टराई रहेका थिए।
नेकपा एमाले बुढानिलकण्ठ -८ का अध्यक्ष बिनोद थापाको अध्यक्षतामा भएको कार्यक्रममा बागमती प्रदेस कमिटी सदस्य संगम गहतराज , मिठाराम अधिकारी , जिल्ला कमिटी सदस्य तथा नगर इन्चार्ज विदुर विक्रम खड्का , दुर्गा थापा , नगर कमिटी अध्यक्ष प्रदिप डंगोल ,उपाध्यक्ष शम्भु भट्टराई लगायतको उपस्थिति रहेको थियो।
वडा कमिटीका उपाध्यक्ष निश्चल अधिकारीले स्वागत मन्तव्य र सचिव सबिन अधिकारीको संचालनमा भएको सो कार्यक्रममा दिपावली ,नेपाल सम्बत र छठ लगायतका पर्वहरुको शुभकामना प्रदान गरिएको थियो ।
