गजल : लीलाराज दाहाल
कपन अनलाइन
काठमाण्डौ ,बैशाख २२ ।
गाई मारी गधा पोस्ने हामीसँगै छन् नि !
खान लाग्या गाँस खोस्ने हामीसँगै छन् नि !
बाचुन्जेल पराई ठानी तिरष्कार गरे पनि
मर्दा रुँदै आगो झोस्ने हामीसँगै छन् नि !
बलेको त्यो आगो माथि पानी खन्याएर
निभेको अगुल्टो ठोस्ने हामीसँगै छन् नि !
कसरी ती निमुखाले न्याय पाउलान् हरे
श्रम, सीप, रगत सोस्ने हामीसँगै छन् नि !
सहकार्य : कपन बानेश्वर साहित्यिक साप्ताहिक
तपाइँको प्रतिक्रिया ।
