कविता(पुण्यराज पुडासैनी)

कपन अनलाइन\पुस २५, २०७१

(रेडियो पत्रकार तथा कवि पुण्यराज पुडासैनीको कविता)

शालिक

-पुन्यराज पुडासैनी

गर जे गरेनी हुन्छ, केही देख्दैन यो
भन जे भनेनी हुन्छ, केही सुन्दैन यो ।

लाख गर गाली तिमी, केही बोल्दैन यो
लात मार नजिक गई, अहँ चल्दैन यो ।

बठ्याई जती नै गर तिमी, अहँ गल्दैन यो
यसकै रगतमा मोज गर्दानी, केही बोल्दैन यो ।

सालिक न हो आखिर, बह कदापि खोल्दैन यो
तिमीले चाहँदैमा सजिलै, अहँ ढल्दैन यो ।