नेकपा एमाले बनेको खुसियालीमा रत्न राज्य क्याम्पसमा चियापान कार्यक्रम

कपन अनलाइन

काठमाडौं ,फागुन २५/बिनिता अधिकारी

अनेरास्ववियु रत्न राज्य क्याम्पस कमिटीले सर्वोच्च अदालतको निर्णय पश्चात नेकपा एमाले बनेको खुसियालीमा चियापान कार्यक्रम गरेको छ।अनेरास्ववियु केन्द्रिय सदस्य एवं स्ववियु सदस्य उज्ज्वल न्यौपाने, केन्द्रीय सदस्य सौगात सेन ढकाल, विनिता अधिकारी, गिता महर, अखिल आर. आर. क्याम्पसका नेता रवि किरण खड्का, उज्ज्वल खड्का लगायतको उपस्थितिमा भएको चियापान कार्यक्रममा क्याम्पसका विद्यार्थीहरुको सहभागिता रहेको थियो।

कार्यक्रममा पछिल्लो राजनीतिक घटनाक्रम र पार्टीका विभिन्न विषयमा चर्चा गरिएको कार्यक्रममा  नेकपामा देखिएको विवाद पछि झडपको अवस्था सम्म पुगेको क्याम्पस राजनीति र संगठनको भूमिका लागयतका विषयमा छलफल गरिएको थियो।

(बिनिता अधिकारी सुशासन र समृद्धिका लागि संचार अभियानकी प्रशिक्षार्थी पत्रकार हुन् )