भक्तपुरमा १७ वर्षीया बालिका बलात्कार गरेको आरोपमा दुईजना  पक्राउ

कपन अनलाइन

काठमाडौं ,पुस २।

भक्तपुरमा १७ वर्षीया बालिका बलात्कार गरेको आरोपमा दुईजना  पक्राउ परेका छन्।

प्रहरीले बझाङ थलारा-२ स्थायी घर भई हाल काठमाडौंको शान्तिनगर बस्ने निश्चनल उपाध्याय, तनहुँ म्याग्दे गाउँपालिका-७ घर भई हाल चाँगुनारायण नगरपालिका-७ स्थित एक रिसोर्टमा काम प्रदीप कुँवरलाई पक्राउ गरेको हो।

उनीहरूले भक्तपुरको हेल्मेट डाँडास्थित रिसोर्टमा ती किशोरीलाई बलात्कार गरेको प्रहरीको भनाइ छ।

प्रहरी परिसर भक्तपुरका सूचना अधिकारी दीपक गिरीका अनुसार प्रलोभनका साथै डर र धम्की दिएर ती युवकहरूले आफूलाई बलात्कार गरेको किशोरीले प्रहरीलाई बताएकी छन्।

यसैगरी, सोधपुछ र चेकजाँचका लागि प्रहरी टोलीलाई अवरोध गरेको आरोपमा   थप दुईजना पनि पक्राउ परेका छन्। प्रहरीले उक्त रिसोर्टमा काम गर्ने प्रदीप केसी र अश्विरन कुँवरलाई नियन्त्रणमा लिएको हो।