हेलम्बु गाउँपालिका सिन्धुपाल्चोकको किसानहरुलाई अनुदानमा रासायनिक मल
कपन अनलाइन
सिन्धुपाल्चोक ,बैशाख २६/दिपक विक्रम देउजा
हेलम्बु गाउँपालिका सिन्धुपाल्चोकले किसानहरुलाई अनुदानमा रासायनिक मल वितरण शुरु गरेको छ।
खेतीपातीको समय शुरु भए संगै कोरोना प्रकोप विरुद्ध सामाजिक दुरी कायम गरेर खेतीपाती गर्नका लागि अनुरोध गर्दै गाउँपालिकाले अनुदानमा मल वितरण शुरु गरेको गाउँपालिका अध्यक्ष निमा ग्याल्जेन शेर्पाले जानकारी दिएका छन।
उक्त गाउँपालिकाको कार्यपालिकाको निर्णय अनुसार साल्ट ट्रेडिङ कर्पोरेसन र कृषि सामाग्री वितरण केन्द्रको दरमा मल उपलव्ध गराउदै अनुदान दिने निर्णय गरेको थियो।
यो सुविधा प्राप्त गर्नका लागि किसान हरुले वडा कार्यालयमा सम्पर्क गर्नका लागि आग्रह गर्दै गाउँपालिकाले कुनै पनि खेतीयोग्य जमिन बाझो नराख्न अपिल गरेको छ।
तपाइँको प्रतिक्रिया ।
