काठमाडौं को सोल्टी दोबाटो नजिक किटनाशक औषधि गोदाममा आगलागी

कपन अनलाइन 

काठमाडौँ, पुस ४ । काठमाडौं को सोल्टी दोबाटोमा गणेश मन्दिर नजिक आगलागी भएको छ ।रबिन मानन्धरको सायमी  इन्ट्रप्राइजेजमा  शुक्रबार अपरान्ह ४  बजे बाट आगलागी सुरु भएको हो  ।उक्त गोदाममा लामखुट्टे,साङ्ग्ला, झिंगा मार्ने  लिकुइड जस्ता किटनाशक औषधिको गादाममा आगलागी भएको हो  । बिद्युत शर्ट भएर आगलागी भएको हुनसक्ने अनुमान गरिएको छ ।

उक्त आगो नियन्त्रणका लागि  जुद्ध बारुण यन्त्र को २,नेपाली सेनाको २, र किर्तिपुर नगरपालिकाको १ वटा गरि  ५ वटा दमकलले अपरान्ह ४:३० बजे आगोलाइ नियन्त्रणमा लिइएको थियो ।उक्त आगलागीमा  मारुती भ्यान ३ कार एउटा र मोटरसाइकल ३ सहित  एउटा  स्कुटर  पुर्ण रुपमा क्षेती भएको छ । आगलागी नियन्त्रणमा नेपाली सेनाको सेनानी तिर्थ राज गौतमको  नेतृत्वमा  जगदल, युद्ध कवाज,रेन्जर गण बाट करिब १५०,जना सेना  नेपाल प्रहरिको  डि यस पि लाल धोज सुबेदिको नेतृत्वमा ५०प्रहरी त्यसैगरी  सशस्त्र प्रहरी बलका यस पि दिबेन्द्र शाहको नेतृत्वमा  ४५ जना सुरक्षा कर्मी  र स्थानीयको सहयोगमा आगलागी नियन्त्रणमा लिइएको थियो क्षेतीको बाँकी  बिबरण आउन बाँकी रहेको छ ।

फोटो : रोशन दानी